खट्टा खट्ट राजस्थानी खबरा ....ख़ास आप राजस्थानी भाई बहनों सारु ....
राज्य पांडुलिपियां ने आर्थिक सहयोग
राजस्थानी भाषा साहित्य एवं संस्कृति अकादमी री ओर सूं 2012-13 री 57 राजस्थानी पांडुलिपियों ने 5 लाख 77 हजार रुपया रो सहयोग घोषित व्यो है। अकादमी री ओर सूं इण बार 20 जिलां रा और एक प्रवासी राजस्थानी साहित्यकार पांडुलिपियं ने आर्थिक सहयोग दियो जावेला है। या जाणकारी अकादमी सचिव पृथ्वीराज रतनू सूं प्राप्त व्ही है।
सत्ता रा गलियारां में गम गी राजस्थानी भाषा : डॉ. देवल
12 वीं शताब्दी सूं शुरू व्ही राजस्थानी भाषा आजादी तक खुब उन्नति की दी । पण आजादी रे बाद या सत्ता रा गलियारे में गुम व्हैगी , जिणरे कारण वा अब तक संविधान की 8 वीं अनुसूची में शामिल नी व्है सकी। या वात राष्ट्रीय साहित्य सेमिनार उदयपुर में 2 अक्टूबर ने डॉ. सी.पी. देवल कही। डॉ. देवल रे अनुसार 12 वीं शताब्दी सूं राजस्थानी खुब तरक्की की दी, इणरो उत्कृष्ट क्लासिक उदाहरण है पृथ्वीराज रासो, वेली रुक्मणी कृष्णरी, अचलदास खींची री वचनिका।
राजस्थान के चार खिलाड़ी सेंट्रल जोन टीम में .
जयपुर। राजस्थान रा चार खिलाडिय़ा रो चयन दिलीप ट्रॉफी री सेंट्रल जोन टीम में व्यो है। राजस्थान ने रणजी चैंपियन बणावे में अहम भूमिका निभावा वाळा बल्लेबाज रॉबिन बिष्ट, विनीत सक्सेना व अशोक मेनारिया रे अलावा युवा तेज गेंदबाज रितुराज सिंह ने भी टीम में लियो गयो है।
पुलिस अधीक्षक बाड़मेर रा बेंका री सुरक्षा व्यवस्था ने परखी
बाड़मेर बाड़मेर पुलिस अधीक्षक राहुल बारहट जैसलमेर में बेंक में सेंधमारी रे बाद एहतियात रे तौर पर शहर रे विभिन्न बेंका में जा’र सुरक्षा व्यवस्था री परख करी। वणा जैसलमेर की घटना सूं सबक ले’र बेंका री सुरक्षा व्यवस्था ने पुख्ता करवा रे बारे में चर्चा कीदी। वणा बतायो की बेंका ने अप्रिय घटना सूं बचावा रे वास्ते स्रगळा बेंका में नाईट विजन कैमरे लगावणा अर ,बेंका ने हॉट लाइन सूं सम्बंधित थाणा सूं जोड़णा है।
साहित्यकार सुमेरसिंह शेखावत रो निधन
सीकर। राजस्थानी भाषा रा प्रख्यात साहित्यकार सुमेरसिंह शेखावत रो 3 अक्टूबर दोपहर में स्वर्गवास व्है ग्यो। वे 75 साल रा हा। साइलेंट हार्ट अटैक वेवा री वजह सूं वांरां देहांत व्यो। शेखावत रो राजस्थानी भाषा साहित्य में अहम योगदान रियो हो। वणा राजस्थानी भाषा री चार पोथियां लिखी हैं।
राष्ट्र
जो नी हारें हालात सूं विणरे जज्बा ने सलाम
नागपुर। पांच साल पेहली एक रेल हादसा में एक पैर गंवा चुक्या अशोक मुन्ने एवरेस्ट फतह करवा री ठाणी है। हादसा सूं पेहली तैराकी, मार्शल आर्ट, जिम्नास्टिक में माहिर हा मुन्ने । एक अमेरिकी कंपनी रा उच्च तकनीक सूं लैस कृत्रिम पगा रे सहारे अशोक महाराष्ट्र री सबसूं ऊंची पहाड़ी कलसुबाई समेत मध्यप्रदेश रे पातालकोट, पचमढ़ी में सफल ट्रैकिंग कर चुक्या हैं।
पृथ्वी-2 का सफल परीक्षण
भुवनेश्वर। 4 अक्टूबर ने स्वदेश निर्मित और परमाणु क्षमता संपन्न बैलिस्टिक मिसाइल पृथ्वी-2 रो सफल परीक्षण कियो गयो। इण्ने ओडीशा में चांदीपुर रे इंटीग्रेटेड टेस्ट रेंज (आईटीआर) के परिसर-3 सूं दाग्यो गियो। इसरी मारक क्षमता 350 किमी तक है।
स्पोट्र्स टीचर बनी मिसेज इंडिया
नई दिल्ली। रेबेका लॉगिन बेन खुद खेले भी हैं और सिखावे भी हैं। या एक स्पोर्टस टीचर है जो अब मिसेज इंडिया वल्र्डवाइड चुनी गी है।। दूसरे नंबर पर निशा शर्मा और प्रीती सिंह री। दोया रे बीच मुकाबलो बराबरी रो रियो।
महामहिम री महानता
प्रणब मुखर्जी जद राष्ट्रपति बणियां तो सब केवा लागा के अबे वाने प्रोटोकॉल री वजह सूं दादा नी कियो जा सकेला। पण अब खुद प्रणब साफ कर दि दो के वांने अंग्रेजां रा बणाया प्रोटोकॉल पसंद नी है। वे आम लोगों री तरह रेणो चावे हैं। अटा तक कि वांने 'महामहिम' और 'माननीय' जस्या शब्दां पे भी आपत्ति है। इसके बजाय वे केवे हैं कि अगर जरूरी वे तो 'श्री' केवो।
गोवा में घरेलू महिलावं ने हर माह हजार रुपए का भत्ता
घरेलू महिलावां ने हर माह महंगाई भत्ता
पणजी। गोवा सरकार राज्य री घरेलू महिलावां ने हर माह एक हजार रुपए महंगाई भत्ता देवेला। मुख्यमंत्री मनोहर पर्रिकर 2 अक्टूबर ने इणरी घोषणा की दी। रुपिया महिलावां रे बैंक खाता में डाल्या जावेला। इणरो लाभ वणा महिलावां ने मिलेगा जिणरे घर री सालाना आय तीन लाख रुपए सूं कम होगी।
अन्तर्राष्ट्रीय
बांट रियो है 'रॉबिनहुड'
जर्मनी रे ब्रॉन्शविग शहर में एक रहस्यमय आदमी गरीबां ने बंद लिफाफा में हजारों यूरो बांट रियो है। इण अनाम आदमी द्वारा अब तक गुप्त तरीके सूं बांटी गई धनराशि दो लाख यूरो रो आंकड़ो पार कर चुकी है। जर्मन अखबार इण शख्स ने 'आधुनिक रॉबिनहुड' करार दे रिया हैं।
लंदन में भारतीय डॉक्टर री गांधीगीरी
लंदन। ब्रिटेन में गलत फैसले रे खिलाफ डॉ. नरेन्द्र कपूर महात्मा गांधी रो रास्तो अपनायो है। वांने कैंब्रिज हॉस्पिटल सूं दो साल पेहले हटा दि दा हा। आरोप योग्यता की कमी रो हो । इण साल जुलाई में कोर्ट डॉ. नरेन्द्र कपूर रे पक्ष में फैसलो सुणायो पण बहाली नी हो सकी। अबे डॉ. कपूर पांच दिन रा अनशन पे है।
गोळकुण्डा रो हीरो व्हैला नीलाम
जिनेवा। भारत री गोळकुंडा खदान सूं निकळियो 76.02 कैरेट रो हीरो जल्द ही क्रिस्टीज नीलाम कर देई। नीलामी 1.04 अरब रुपिया तक वेवा री उम्मीद है। हीरो ऑस्ट्रिया रे आर्कडयूक रे संग्रह सूं लियो गयो है।
दस लाख वोल्ट रे बीच
अमेरिकी स्टंटमैन डेविड ब्लेन तीन दिन तक दस लाख वोल्ट रे बीच रेवेला। 'इलेक्ट्रिफाइड: वन मिलियन वोल्ट्स आलवेज ऑन' नामक यो इवेंट 6 अक्टूबर शनिवार सूं न्यूयॉर्क रे हडसन रिवर पार्क में शुरू व्यो। 20 फीट ऊंचा प्लेटफॉर्म पे ब्लेन बिना कुछ खाए खड़ा रेवेला। वांरी तरस बुझावा रे लिए एक पाणी रो पाइप वांरे मुंण्डा सूं जोडियो ग्यो है। अणी स्टंट री खास बात या है के मनख रो शरीर केवल 30 वॉल्ट सहन कर सके अर ब्लेन इणसूं कई गुणा अधिक रे बीच रेवेला। वांने इलेक्ट्रिक शॉक सूं फैराडे सुट अर हेलमेट वचावेला।
न्हानो सो नायक
12 साल रो एस. अरूण वर्ल्ड जूनियर फिगर स्केटिंग में भरत रो नायक बण’र प्रतिनिधित्व करेला। पगतियोगिता न्यूजिलैंड में 1 सूं 13 अक्टूबर रे बीच व्हेला। अरूण इणमें ‘सोलो डांस ऑन स्केट्स’ सेगमेंट में हिस्सो लेवेला।
